சிங்கப்பூரில் கிளீனர் வேலை செய்யும் ஊழியர் மரணம் – 3 நாள் வேலைக்கு வராத நிலையில் சடலம் மீட்பு

Editorial TeamSeptember 5, 2022Last Updated: September 5, 2022

654 Less than a minute

சிங்கப்பூர்: மூன்று நாட்களாக வேலைக்கு வரவில்லை என்ற நிலையில் தேடப்பட்ட துப்புரவு ஊழியர் சடலமாக கண்டெடுக்கப்பட்டுள்ளார்.

அவர் தங்கும் வீட்டில் சடலம் கண்டுபிடிக்கப்பட்டதாக ஷின் மின் டெய்லி நியூஸ் தெரிவித்துள்ளது.

அவரது சடலம், கடந்த செப். 2, 2022 அன்று ஹௌகாங் அவென்யூ 3 இல் உள்ள பிளாக் 2 இன் மூன்றாவது மாடியில் கண்டெடுக்கப்பட்டது.

அவரின் சக ஊழியர் ஒருவர் அந்த சடலத்தை கண்டுபிடித்தார் என்றும் கூறப்பட்டுள்ளது.

ஹௌகாங் அவென்யூ 5 இல் உள்ள பிளாக் 327 இன் காஃபி ஷாப்பில் துப்புரவாளராகப் அவர் பணிபுரிந்ததாகவும் கூறப்படுகிறது. அவருக்கு வயது 63.

இந்த சம்பவம் தொடர்பாக போலீசார் விசாரணை நடத்தி வருகின்றனர்.